79===surah naziaat

World's First Roman Urdu Translation Quran Shareef

Surat-Naziaat 79

(Sura-Naziaat Makka mai Nazil hui, is mai chheyalees (46) Aayatain hain)

79.01 Doob ker sakhti say khenchnay walon ki qasam! 79.02 Band khol ker chura denay walon ki qasam! 79.03 Aur terney phirnay walon ki qasam! 79.04 Phir daor ker age barhnay walon ki qasam! 79.05 Phir kam ki tadbeer kernay walon ki qasam! 79.06 Jis din kanpney wali kanpe gi. 79.07 Us ky bad ik peechy aney wali (peechy peechy) aye gi. 79.08 (buhat se) Dil us din dharakte honge. 79.09 Jinki nigahen nichi hongien. 79.10 kehty hein ke kiya hum pehli ki si halat ki taraf phir laot aye jaein ge. 79.11 Kiya us waqt jab ke hum bosida hadiyaan hojaein ge. 79.12 Kehty hein ke phir to ye laotna nuksandeh hai. 79.13 (maloom hona chaiey) wo to sirf ik (khufnak) dant hai. 79.14 Kay (jis kay zihar hote hi) wo ik dam medan mein jama hojaein ge. 79.15 Kiya Musa (aleh-e-salam)ki khabar tumhein phunchi hai? 79.16 Jabkay unhein unkay rab nay pak medan tuaa mein pukara. 79.17 (kay) Tum firaon kay pass jao unsay sirkashi ikhtyar kerli hai. 79.18 Usay kaho kay kiya to apnai durstagi or islaah chata hai. 79.19 Aur yeh ky mein tujhhy terey Rab ki rah dikhata takay tu (us say) darnay lage. 79.20 Pus usay bari nishani dikhai. 79.21 To us ney jhutlaya aur na fermani ki. 79.22 Phir alag hat ker koshishain kerne laga. 79.23 Phir sab ko jama ker ke ba awaz-e-buland pukaara ke. 79.24 Tum sab ka Rab mein hi hon. 79.25 To (sab say buland o baala) Allah ney bhi usay aakhrat ke aur duneya ke azaab mein giriftar kerliya.